Чырвонае мяса выклікае паскоранае старэнне
13- 28.04.2016, 19:23
- 38,808
Ужыванне ў вялікай колькасці чырвонага мяса прыводзіць да паскоранага старэння цела.
Да такой высновы прыйшлі медыкі Універсітэта Глазга (Вялікабрытанія). Пра гэта паведамляе Lenta.ru са спасылкай на The Guardian ў чацвер, 28 красавіка.
Злоўжыванне чырвоным мясам прыводзіць да падвышэння ўзроўню фосфару ў сыроватцы крыві. Лішак гэтага рэчыва ў арганізме, у сваю чаргу, спрыяе паскоранаму біялагічнаму старэнню і ўзнікненню праблем са здароўем (галоўным чынам, з ныркамі).
Навукоўцы назіралі за дыетай і здароўем насельніцтва ў найбольш бедных кварталах горада Глазга (Вялікабрытанія). Нездаровая дыета і лішак чырвонага мяса ў ёй медыкі звязалі з паскораным старэннем пэўнай часткі гэтага насельніцтва.
Раней навукоўцы адзначалі, што высокі ўзровень фосфару звязаны з падвышанай рызыкай смяротнасці і старэннем судзінаў. У кастрычніку 2015 года Сусветная арганізацыя аховы здароўя параўнала рызыкі для здароўя, якія ўзнікаюць пры ўжыванні перапрацаванага мяса (каўбас і сасісак), з небяспекай, якая зыходзіць ад выкарыстання азбесту.