Беларус Віктар Ганчарэнка адмовіўся трэніраваць «Кубань»

Беларускі трэнер Віктар Ганчарэнка наважыў «не ўваходзіць у адну раку двойчы».

Паводле звестак «СЭ», сёння беларускі спецыяліст Віктар Ганчарэнка адмовіўся ўзначаліць «Кубань».

Пасля перамоваў з гендырэктарам клуба Генадзем Крапіўкам, якія прайшлі ў пачатку тыдня ў Маскве, асістэнт Леаніда Слуцкага ў ЦСКА ўзяў час на роздум і пасля гульні армейцаў з «Уралам» даў адмоўны адказ.

Нагадаем, Ганчарэнка кіраваў «Кубанню» ў 2013-2014 гадах, калі генеральным дырэктарам клуба быў Яўген Мураўёў. Пры беларусе краснадарцы правялі 31 матч, атрымаўшы 13 перамог.

Пасля 13 тураў сезона 2014/15 «"жоўта-зялёныя» займалі 5-е месца, адстаючы ад ЦСКА усяго на адзін бал. Аднак Ганчарэнка быў звольнены са сваёй пасады.