Гендырэктар сеткі гатэляў прымусіў падначаленых будаваць яму катэдж
5- 29.04.2016, 21:27
- 11,613
Генеральнага дырэктара ААТ «Мінгатэль», заснаванага ў 1997 годзе, чакае крымінальная справа за злоўжыванне службовымі паўнамоцтвамі.
Паводле матэрыялаў УБЭЗ ГУУС І АБЭЗ Цэнтральнага раёну, генеральны дырэктар ААТ «Мінгатэль», 1954 года нараджэння, Уладзімір Сташкевіч, з ліпеня 2012 года да 7 красавіка 2016 года даваў незаконныя наказы падначаленым работнікам і адпраўляў іх на будаўніцтва належных яму капітальных будынкаў у вёсцы Марозы Вілейскага раёну і ў Калодзішчах.
Як даведаўся «Беларускі партызан» ад крыніцы ў Цэнтральным РАСК, у выніку гэтага была прычыненая шкода «Мінгатэлю» на суму 92 399 994 рублёў.
Мера стрымання пакуль Сташкевічу не абіралася.
Адзначым, у сетку гатэляў і рэстарацый уваходзяць гатэлі «Беларусь», «Спадарожнік», «Гарні» і «Ваяж».