7 звычак паспяховых людзей
8- 30.04.2016, 15:32
- 13,581
Сваімі звычкамі і парадамі дзеляцца багатыя і знакамітыя.
Выказванні публікуе часопіс «Адзіная».
Роберт Айгер: Уставай крыху раней
Прэзідэнт кампаніі The Walt Disney сцвярджае, што ягоны дзень пачынаецца а 4.30 раніцы. Кожны дзень. Навуковыя даследаванні паказваюць, што наш мозг найбольш актыўны толькі першыя 2-4 гадзіны пасля абуджэння, так што на лянівае знаходжанне ў ложку час марнаваць папросту шкада. Затое якія доўгія і насычаныя выходныя атрымліваюцца!
Бенджамін Франклін: Трэба мець план дзеянняў
Каб дзень атрымаўся прадуктыўным, трэба загадзя прадумаць яго план. Уключаючы выходныя дні. Час адпачынку ні ў якім разе не касуецца, але нават адпачынак трэба арганізоўваць асэнсавана.
Цімаці Фэрыс: не перагружаць сябе задачамі
Наяўнасць плана зусім не азначае спіс спраў на дваццаць пунктаў, якія можна яшчэ прымудрыцца рабіць адначасова. Паспяховыя людзі, і сярод іх амерыканскі пісьменнік Цімаці Фэрыс, ведаюць, што такі падыход хутчэй знізіць прадуктыўнасць дня. Менавіта таму ён рэкамендуе абмяжоўваць сябе толькі дзвюма-трыма мэтамі, але прыкласці ўсе намаганні для іх дасягнення.
Ганна Вінтур: Будзь актыўнай
Галоўная рэдактарка часопісу Vogue, яна ж прататып галоўнай гераіні кнігі і фільма «Д'ябал носіць Прада» штодня прысвячае тэнісу як мінімум гадзіну. У здаровым целе - здаровы дух, і выхадныя зусім не падстава зрабіць выключэнне для гэтага правіла.
Опра Уінфры: Знайдзі момант для цішыні
Сярод паўсядзённай мітусні вельмі важна знайсці час для таго, каб пабыць сам-насам з самім сабой, таму знакамітая тэлевядоўца Опра Уінфры вылучае як мінімум 40 хвілін кожны дзень для медытацыі.
Джэк Дарсей: Падрыхтавацца да наступнага тыдня
Выявілася, што стваральнік Твітэру ўжо ў нядзелю пачынае ў дэталях прадумваць ход наступнага тыдня. «Панядзелак трэба пачынаць у поўным узбраенні» - яшчэ адзін маленькі сакрэт паспяховых людзей.
Рэндзі Цукерберг: Адключыся ад сацыяльных сетак
Менавіта так, сястра Марка Цукерберга, стваральніка самай буйной сацыяльнай сеткі свету Фэйсбук, уважае за шчасце адключыцца на выходных ад таго, што адбываецца ў віртуальным свеце і атрымаць асалоду ад навакольнай рэчаіснасці.