Дыктатар памяняў месца свайго нараджэння

На гэты раз Лукашэнка заявіў, што нарадзіўся ў Воршы.

Карыстальнікі звярнулі ўвагу на заяву беларускага дыктатара, які сказаў, што нарадзіўся ў горадзе Ворша, пры тым, што на самой справе ён нарадзіўся ў пасёлку Копысь.

Пра гэта Лукашэнка сказаў 1 траўня падчас наведвання Спаса-Праабражэнскага храма ў Шклове.

«Я хацеў бы павіншаваць усіх вас з гэтым доўгачаканым і светлым святам. Наогул у гэты дзень я заўсёды бываю ў цэрквах, у маленькіх вёсках няхай гэта будзе на захадзе Беларусі, няхай гэта будзе на поўначы Віцебскай вобласці або ж у Воршы, дзе я нарадзіўся...», - сказаў кіраўнік.

«Лукашэнка памяняў месца нараджэння? Цяпер Ворша! Тая самая Ворша, пад якой у 1514 годзе...», - адзначылі на старонцы «Радыё Свабода» ў Facebook.