Менчукі пра міліцыянтаў: Гэта бандыты ў пагонах

Менчукі выказалі меркаванне, што міліцыянты злоўжываюць паўнамоцтвамі і караюць грамадзян тады, калі павінны былі б абараняць.

Журналісты «Белсата» распыталі жыхароў сталіцы, як тыя ставяцца да праваахоўнікаў, і ці давяраюць ім.

«Міліцыянты гэта бандыты ў пагонах. Я сябе не адчуваю абароненым. Наадварот могуць элементарна зняважыць. Усе баяцца міліцыянтаў. Не дарма Лукашэнка сказаў - мне войска не патрэбнае, мне міліцыі досыць».

«Апошнім часам шмат выпадкаў, калі міліцыя неабгрунтавана выкарыстоўваюць сілу. Трэба гэта рэгуляваць, у прававой дзяржаве такога быць не павінна».

«Я бачу як працуюць праваахоўнікі ў нашай краіне і да іх ёсць пытанні. Гэта і выпадак з веласіпедыстамі, і іншыя. Шмат выпадкаў, калі яны не ведаюць законаў і сваіх унутраных правілаў».