Натарыусы правядуць бясплатныя кансультацыі

Натарыусы Беларусі правядуць бясплатныя кансультацыі 5 і 6 траўня.

Пра гэта паведаміў БелТА памочнік старшыні Беларускай натарыяльнай палаты Артур Стрэх.

"Цягам двух дзён усе ахвотныя, у тым ліку замежнікі, змогуць звярнуцца да спецыялістаў у пытаннях афармлення спадчынных правоў, складання тастаментаў, шлюбных дамоў, адчужэння нерухомасці, правядзенне выканальных надпісаў і іншае", - сказаў Артур Стрэх.

Удзел у акцыі возьмуць усе натарыяльныя канторы і бюро Беларусі. Час іх працы можна ўдакладніць на афіцыйным сайце Беларускай натарыяльнай палаты ў раздзеле "Знайсці натарыуса".

"Для натарыяльнай супольнасці Беларусі правядзенне акцый прававой адукацыі насельніцтва, прымеркаванай да дзяржаўных святаў ды іншых памятных дат, стала традыцыйным. Мэтай такіх мерапрыемстваў з'яўляецца, перш за ўсё, забеспячэнне абароны правоў і законных інтарэсаў грамадзян, а таксама падвышэнне ўзроўню правасвядомасці, прававой культуры і пісьменнасці насельніцтва", - дадаў Артур Стрэх.