Беларускіх студэнтаў будуць адпраўляць на Кубу
10- 24.05.2016, 11:32
- 14,001
Рэктар Акадэміі кіравання пры Лукашэнку гатовы падпісаць пагадненне аб стажыроўках прама цяпер
Куба зацікаўлена ў цесным супрацоўніцтве з Акадэміяй кіравання пры Лукашэнку. Пра гэта паведаміў сёння журналістам першы намеснік старшыні Дзяржаўнага савета і Савета Міністраў Кубы Мігель Марыё Дыяс-Канель Бермудэс падчас наведвання ВНУ, паведамляе БелТА.
«Мы прапануем Акадэміі кіравання стварыць сумеснае пагадненне аб супрацоўніцтве, каб у нас быў абмен студэнтамі, прафесарамі, эканамічны абмен. Каб мы маглі дзяліцца досведам у падрыхтоўцы кадраў і праводзіць сумесныя курсы. Думаю, што ў нас будуць добрыя стасункі», - сказаў Мігель Марыё Дыяс-Канель Бермудэс.
У сваю чаргу рэктар Акадэміі кіравання Марат Жылінскі адзначыў, што гатовы падпісаць пагадненне прама цяпер. «Нам ёсць аб чым пагаварыць: падрыхтоўка, перападрыхтоўка, адукацыйныя праграмы, абмен стажыроўкамі, студэнтамі і выкладчыкамі», - дадаў ён.