На МКАД адбылася сур'ёзная аварыя з трыма аўтамабілямі

Рамонтныя работы парушылі звыклы рытм руху на Менскай колавай аўтадарозе.

Відавочцы паведамляюць пра сур'ёзнае ДТЗ, якое адбылося сёння на знешнім коле МКАД у раёне з'езду на вуліцу Прытыцкага ў Менску. Паводле папярэдняй інфармацыі, сутыкнуліся тры аўтамабілі. На месца прыбылі супрацоўнікі ДАІ і хуткая, паведамляецца аб пацярпелых, піша onliner.by.

Фота апублікаваў у Twitter карыстальнік @Donis89.

- Сур'ёзнае ДТЗ на знешнім коле ў раёне Каменнай Горкі. Паравоз, сярэдняму аўтамабілю не пашэнціла так, што мабыць не адродзіш. Затор добры. Два эвакуатары і ДАІ на месцы, - паведаміў карыстальнік форуму з нікам spirit33.

У ДАІ Фрунзенскага раёна паведамілі, што ў крайняй левай паласе МКАД, паміж вуліцамі Ціміразева і Прытыцкага вядуцца рамонтныя работы, выстаўленыя адпаведныя знакі.

- Паводле папярэдняй інфармацыі, кіроўцы сталі рэзка запавольвацца. У выніку сутыкнуліся тры аўтамабілі: першым апынулася BMW 5-Series, за ім Ford, а следам Buick, - распавялі ў ДАІ.

Абставіны здарэння яшчэ высвятляецца, між іншым, ці паспеў кіроўца Ford затармазіць перад BMW або ўсіх «сабраў» Buick.

У выніку ДТЗ пацярпелі два чалавекі. Мужчыну, кіроўцу BMW забрала хуткая з папярэднім дыягназам: пералом костак носа, удар шыйнага аддзела хрыбетніка. Жанчыну, якая кіравала Ford, таксама шпіталізавалі. У яе падазрэнні на закрытую чэрапна-мазгавую траўму, пераломы, спалучаныя траўмы.

Эвакуатары ўжо забралі разбітыя машыны з праезнай часткі. Аднак сітуацыя на гэтым участку МКАД па-ранейшаму складаная, участак трэцяй паласы зачынены праз рамонт.