Мянчук: Дзіцячыя арэлі не жадае рамантаваць ні ЖЭС, ні забудоўшчык

На просьбу адрамантаваць арэлі на дзіцячай пляцоўцы жыхары адной з новабудоўляў атрымліваюць ад чыноўнікаў адпіскі.

Усё часцей менчукі звяртаюцца па дапамогу сэрвісу 115.бел, які абяцае хутка развязаць надзённыя гарадскія праблемы. Жыхар дома на Калеснікава таксама наважыў скарыстацца магчымасцю паведаміць аб праблеме і мірна чакаць яе развязання. Дзіцячая пляцоўка каля будынка востра мела патрэбу ў рамонце, але праз час стала зразумела, што ні ЖЭС, ні якая-небудзь іншая арганізацыя не збіраюцца гэтага рабіць, таму што тэрыторыя, па сутнасці, нікому не належыць, піша onliner.by.

- Зімой хтосьці зламаў арэлі на дзіцячай пляцоўцы ў двары жылога дома на адрас Калеснікава, 18, - распавёў Зміцер. - У канцы сакавіка звярнуўся ў 115.бел з просьбай выканаць рамонт. 15 красавіка атрымаў адпіску, што рамонт будзе выкананы да канца месяца. Але ў апошні працоўны дзень красавіка да рамонту так ніхто і не прыступіў. Давялося напісаць паўторны зварот у адміністрацыю Фрунзенскага раёна. Потым атрымаў вось такі цудоўны адказ...

З адказу вынікае, што пасля сканчэння будаўніцтва дома і дзіцячай пляцоўкі, гэта значыць, у 2012 годзе, забудоўшчык Мінскбуд так і не знайшоў часу перадаць усе абсталяванне дзіцячай пляцоўкі на баланс ЖКГ №2. Атрымліваецца, што яна нічыйная.

Дзмітрыя гэтая акалічнасць вельмі здзівіла. Незразумела, хто і якая арганізацыя цяпер адказная за рамонт пляцоўкі. Пакуль гэта пытанне застаецца адкрытым, арэлі так і стаяць у непрыдатным стане.