У Грэцыі знайшлі магілу Арыстоцеля
3- 26.05.2016, 20:34
- 41,488
Група грэцкіх археолагаў заявіла, што ім удалося знайсці магілу старажытнагрэцкага філосафа Арыстоцеля пасля 20 гадоў раскопак.
Пра гэта паведамляе ЛІГА.net са спасылкай на грэцкую тэлерадыёкампанію ERT.
Грэцкі археолаг Костас Сісмандыс сказаў, што магіла Арыстоцеля знаходзіцца на паўвыспе Халкідзікі, недалёка ад паселішча Алімпіяда, на схіле паўночных ваколіц горада Стагіра, дзе нарадзіўся Арыстоцель.
"Мы знайшлі магілу, знайшлі алтар, які згадваўся ў старажытных пісаннях. Шлях, які вядзе да пахавання, знаходзіцца недалёка ад старажытнага горада Агора", - растлумачыў ён.
Магілу знайшлі яшчэ ў 1996 годзе, аднак тады факт таго, што яна належыць менавіта Арыстоцелю, не пацвердзілі.
