Педагог віцебскага медуніверсітэта трапіўся на хабары 200 даляраў

Столькі «каштавалі» станоўчыя адзнакі за экзамены і залікі.

Выкладчык Віцебскага дзяржаўнага ордэна Дружбы народаў медыцынскага ўніверсітэта трапіўся на хабары. Ён абяцаў аднаму са студэнтаў спрыяльнае развязанне пытання аб здачы залікаў і іспытаў у абмен на 200 даляраў, паведамляе kp.by.

- 23 траўня пракуратура Віцебскай вобласці санкцыянавала зняволенне пад варту гэтай службовай асобы, якая абвінавачваецца ва ўчыненні злачынства, прадугледжанага часткай 1 артыкула 430 КК РБ, - распавёў пракурор аддзела ў барацьбе з карупцыяй і арганізаванай злачыннасцю Ігар Лісоўскі. - За ўчыненне гэтага злачынства санкцыяй указанага артыкула прадугледжана пакаранне ў выглядзе пазбаўлення волі да сямі гадоў з канфіскацыяй маёмасці і з пазбаўленнем права займаць пэўныя пасады або займацца пэўнай дзейнасцю.