Абама стаў першым прэзідэнтам ЗША, які наведаў Хірасіму
2- 27.05.2016, 14:03
- 11,709
Разам з прэм'ер-міністрам Японіі Барак Абама наведаў Мемарыяльны парк свету ў Хірасіме.
Прэзідэнт ЗША Барак Абама прыбыў у японскі горад Хірасіму, на які Амерыка падчас Другой сусветнай вайны скінула атамную бомбу, паведамляе расейская служба BBC.
Разам з прэм'ер-міністрам Японіі Сіндзо Абэ Абама наведаў Мемарыяльны парк міру ў Хірасіме.
Прэзідэнт ЗША ўсклаў вянок з белых кветак да помніка ахвярам ядзернага ўдару.
«71 год таму смерць упала з неба, і свет змяніўся», - сказаў Абама.
Прэзідэнт ЗША заклікаў заўсёды памятаць ахвяраў авіяўдару.
Паводле ягоных слоў, ядзерная бамбаванне Хірасімы паказала, як чалавецтва можа само сябе знішчыць.
Абама заявіў, што свет павінен знайсці спосаб прадухіліць паўтарэнне такой катастрофы, і заклікаў адмовіцца ад ядзернай зброі.
Прэзідэнт ЗША таксама сустрэўся з некалькімі японцамі, якія перажылі атаку. Ён паціснуў ім рукі.
Ядзерная бомба была скінутая на Хірасіму ў жніўні 1945 года на загад прэзідэнта ЗША Гары Трумана. У выніку загінула блізу 140 тысяч чалавек. Праз некалькі дзён ЗША атакавалі Нагасакі, дзе ад выбуху ядзернай бомбы загінулі 74 тысячы чалавек.