У менскім метро пасажыр атрымаў траўму пасля ўдару вагонам

Сёння раніцай на станцыі метро «Каменная Горка» малады чалавек ледзь не ўпаў на рэйкі перад надыходзячым цягніком.

Стоячы за абмежавальнай лініяй каля краю платформы, хлопец стаў нахіляцца наперад і атрымаў траўму галавы пасля датычнага ўдару вагонам.

- Гэта адбылося прыкладна а 7.30 раніцы. Падчас прыбыцця на станцыю цягніка малады чалавек стаяў за жоўтай лініяй. Мне цяжка даваць ацэнку стану яго здароўя, але, імаверна, яму стала дрэнна, і ён нахіліўся наперад. У гэты момант адбыўся датычны ўдар - распавёў Onliner.by прэс-сакратар менскага метрапалітэна Андрэй Кузьмін. – Хлопца адкінула на платформу. Была выкліканая хуткая дапамога. Лекары забралі яго з сур'ёзнай чэрапна-мазгавой траўмай.

- У сувязі з тым, што здарылася не лішнім будзе нагадаць, што пасажырам варта не заступаць за абмежавальную лінію на краю платформы. У гарачае надвор'е, калі павышаецца рызыка пагаршэння самаадчування і галавакружэння, гэтае патрабаванне асабліва актуальнае – дадаў Андрэй Кузьмін.