Каля Салігорска адбыўся выцек салянай кіслаты
- 28.05.2016, 12:46
- 8,219
Паведамленне аб выяўленні выцеку паступіла ўвечары 27 траўня.
На чыгуначнай станцыі «Калій-3» каля Салігорска адбыўся выцек салянай кіслаты (па зварному шву - 10 см) з чыгуначнай цыстэрны вагой 63,98 тоны, якая кіравалася маршрутам - 4 РУ ААТ «Беларуськалій» - ААТ «Гомельскі хімічны завод».
Пра гэта паведамляе МНС Беларусі.
Паведамленне аб выяўленні выцеку паступіла а 18.56 27 траўня. Работнікамі МНС праводзілася накладанне бандажу на месца выцеку, устаноўка вадзяной заслоны і перапампоўванне кіслаты з пашкоджанай цыстэрны.
А 19.50 выцек ліквідаваны, затрымкі ў руху цягнікоў не адбылося. А 02.50 28 траўня перапампоўванне кіслаты завершанае.