СААЗ не бачыць сэнсу пераносіць Алімпіяду

Сусветная арганізацыя аховы здароўя заявіла, што не бачыць сэнсу адкладаць Алімпійскія гульні ў Рыа-дэ-Жанейра праз эпідэмію ліхаманкі Зіка.

«Ці можа перанос Гульняў неяк спыніць распаўсюд віруса Зіка? Адказ: не. Мяркуючы па тым, як людзі падарожнічаюць і як перамяшчаюцца камары [пераносчыкі хваробы], Зіка будзе вельмі павольна распаўсюджвацца па свеце да тых мясцін, дзе абіраюць камары роду кусак» , - заявіла прадстаўніца СААЗ Ніка Александар.

Напярэдадні больш за сто выбітных навукоўцаў з усяго свету падпісалі адкрыты ліст у адрас СААЗ з заклікам адкласці або перанесці Гульні ў Рыа праз эпідэмію ліхаманкі.

Навукоўцы адзначаюць, што праводзіць Алімпіяду падчас успышкі эпідэміі неэтычна, і заклікаюць СААЗ перагледзець правілы і абмежаванні, звязаныя з ліхаманкай Зіка.

Эпідэмія ліхаманкі пачалася летась у Бразіліі, на сённяшні дзень яна ахапіла больш за 60 краін.