У панядзелак у Беларусі чакаецца да 29 градусаў цяпла
- 29.05.2016, 13:44
- 10,539
30 траўня ў асобных раёнах чакаюцца навальніцы, месцамі моцныя дажджы, магчымы град.
Будзе пераменная воблачнасць. Ноччу месцамі, днём на большай частцы тэрыторыі кароткачасовыя дажджы, у асобных раёнах навальніцы, паведамляе БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Міністэрства прыродных рэсурсаў і аховы навакольнага асяроддзя.
У дзённы час пры навальніцах месцамі моцныя дажджы, магчымы град. Вецер паўночна-ўсходні сярэдні, пры навальніцах парывісты. Тэмпература паветра ўначы складзе 12 – 18 градусаў цяпла, днём – ад 23 да 29 градусаў вышэй за нуль.