У Оршы заклікалі плыць «на Берлін!»

На выратавальнай станцыі ў Оршы з'явілася дзіўная інсталяцыя: спісанаму катару прымайстравалі «гармату» і напісалі на ім «На Берлін!».

Інсталяцыя, размешчаная на тэрыторыі выратавальнай станцыі райцэнтра, складаецца з фігуры вадалаза і старога катара, які ўжо ніколі нікуды не паплыве. Пры гэтым на катары размешчаны надпіс «На Берлін!».

Выратавальная станцыя знаходзіцца на беразе Дняпра на вуліцы імя Уладзіміра Караткевіча, паведамляе «Радыё Рацыя».