Футбольная сенсацыя: «Лестэр» стаў чэмпіёнам Англіі

Футбольны клуб «Лестэр» упершыню ў гісторыі стаў чэмпіёнам Англіі паводле вынікаў сезона-2015/16.

Пра гэта паведамляе карэспандэнт lenta.ru.

Гэта здарылася пасля таго, як лонданскі «Тотэнхэм» не здолеў на выездзе падолець «Чэлсі». Сустрэча адбылася 2 траўня на стадыёне «Стэмфард Брыдж» і закончылася ўнічыю - 2:2.

Лік у матчы адкрылі госці: на 35-й хвіліне вызначыўся Гары Кейн. За хвіліну да перапынку «шпоры» падвоілі перавагу пасля дакладнага ўдару Сона. Пасля перапынку гаспадары сквіталі лік: на 58-й хвіліне мяч забіў Гары Кэхіл, а за 10 хвілін да фінальнага свістка Эдэн Азар устанавіў канчатковы лік.

Такім чынам, за два туры да фінішу «Лестэр» забяспечыў сабе першае месца ў англійскай прэм'ер-лізе. У актыве клуба 77 балаў. Другім«Тотэнхэм», які набраў 70 балаў і страціў шанцы дагнаць лідара.

«Лестэр», у мінулым сезоне заняў 14-е месца ў прэм'ер-лізе, стаў чэмпіёнам Англіі ўпершыню ў гісторыі. Найвышэйшым дасягненнем клуба ў эліце ангельскага футбола было другое месца ў сезоне-1928/29 гадоў.