На Камчатцы разбіўся гелікоптэр «Робінсан-44»: трое загінулых

Гелікоптэр разбіўся ля ўзбярэжжа бухты Руская за 80 км ад Петрапаўлаўска-Камчацкага.

Пра гэта паведамляе расейская служба BBC са спасылкай на рэгіянальную ўправы МНС.

«На гэты момант вядома аб траіх загінулых, пошукі ў раёне катастрофы прадаўжаюцца», - сказаў прадстаўнік МНС.

«Робінсан-44» разлічаны на чатырох чалавек. Колькі знаходзілася на борце, пакуль невядома.

Паводле факце катастрофы была распачатая крымінальная справа паводле артыкула «Парушэнне правілаў бяспекі руху і эксплуатацыі паветранага транспарту, якое пацягнула з неасцярожнасці смерць 2 і больш асоб», паведаміла старшая памочніца кіраўніка Далёкаўсходняй следчай управы на транспарце Следчага камітэта Аксана Палшакова.

Раней МНС паведаміла, што паветранае судна не рэгістравалася на вылет у дыспетчарскіх службах, аднак Палшакова заявіла, што дазвол на палёт у пілота быў, але ён адышоў ад маршруту.

На месца здарэння вылецеў гелікоптэр МНС Мі-8 з ратавальнікамі Камчацкага філіялу Далёкаўсходняга рэгіянальнага пошукава-выратавальнага атрада, а таксама аператыўнай групай ГУ МНС Расеі Камчацкага краю.