Папа Рымскі ўзнагародзіў Джорджа Клуні, Рычарда Гіра і Сальму Хаек

Вядомыя акторы атрымалі ўзнагароды за ўдзел у адукацыйным праекце Ватыкана.

Як піша Catholic Herald (пераклад - newsru.com), знакамітыя госці напярэдадні, 29 траўня, узялі ўдзел у праектах Scholas Occurentes - глабальнай адукацыйнай ініцыятыве, запушчанай цяперашнім пантыфікам.

Гэты праект працуе ў 82 краінах з 400 тысячамі школ і іншых навучальных устаноў, аб'ядноўваючы дзяцей з розных рэлігій і культур. Клуні, Хаек і Гір, які больш вядомы праектамі, звязанымі з будызмам, пагадзіліся быць амбасадарамі аднаго з арт-праектаў фонду.

Назва фонду на гішпанскай мове азначае «Школы, якія адказваюць». Мэта праекта - звязваць тэхналогіі і мастацтва з мэтай сацыяльнай інтэграцыі і ўзаемадзеяння паміж культурамі. Тата Францішак стварыў такую арганізацыю, калі быў кардыналам у Буэнас-Айрэсе, але цяпер Scholas Occurrentes набыў сусветны маштаб.