На Віцебшчыне і Магілёўшчыне знайшлі тры тайнікі з боепрыпасамі
3- 4.05.2016, 9:58
- 7,230
На месцы выязджала група размінавання, якая абясшкодзіла боепрыпасы.
У аўторак, 3 траўня, у Віцебскай і Магілёўскай абласцях было выяўлена тры тайнікі з боепрыпасамі часоў Вялікай Айчыннай вайны.
Пра гэта сёння паведамілі ў Міністэрстве ўнутраных спраў Беларусі.
А восьмай гадзіне раніцы ў лясным масіве непадалёк ад вёскі Рублёва-2 у Лёзненскім раёне знайшлі 12 артылерыйскіх набояў з выбухоўнікам і 8 гранатаў часоў Вялікай Айчыннай вайны. На месца выязджала група размінавання, якая абясшкодзіла боепрыпасы.
А 15:00 на полі каля вёскі Сімонаўшчына ў Віцебскім раёне пры правядзенні земляных работ выкапалі 63 артылерыйскія набоі, 19 узрывальнікаў да іх і супрацьтанкавую міну часоў Вялікай Айчыннай вайны. Іх таксама абясшкодзілі.
Праз тры гадзіны на полі паблізу вёскі Радзівонаўка ў Горацкім раёне пры правядзенні земляных работ выявілі 18 артылерыйскіх набояў і 21 узрывальнік да іх. На месцы знаходкі быў выстаўлены пост міліцыі.