Гендырэктар «Цмокi-Мінск»: Дайце нам сем мільёнаў даляраў - і ўсіх паставім на калені

Генеральны дырэктар баскетбольнага клуба «Цмокi-Мінск» Юрый Шакола заявіў пра гатоўнасць сустрэцца са спонсарамі і абмеркаваць гэтыя амбіцыйныя планы.

Генеральны дырэктар БК «Цмокi-Мінск» Юрый Шакола ў эфіры праграмы «Стоп-кадр» на канале «Беларусь 5» распавёў, якога бюджэту выстарчыла б клубу, каб «паставіць Еўропу на калені».

«Аналізуючы пытанні з кантрактамі гульцоў, бюджэтам, магу сказаць смела, што калі мы калі-небудзь будзем мець хаця б 7 мільёнаў даляраў, то ўсю Еўропу паставім на калені. Калі ёсць у кагосьці такія грошы і амбіцыйныя планы, мы гатовыя сустрэцца і абмеркаваць», - цытуе заяву Юрыя Шаколы «Прессбол».