Піраміда Хеопса: У Горадні жанчыны ўручную зацягвалі мяшкі з зямлёй на Курган Славы
28- 4.05.2016, 11:30
- 9,362
Гарадзенскіх супрацоўніц «Зелянбуда» прымусілі ўручную выконваць цяжкую фізічную працу.
Курган Славы ў Горадні азеляняюць да 9 траўня, калі сюды прыйдуць тысячы людзей.
Фотафакт з працаўніцамі «Зелянбуда», якія з дапамогай вяроўкі цягнулі на вяршыню Кургана славы дзёран, госць горада над Нёманам Дзмітрый даслаў у рэдакцыю «Твоего стиля».
«На двары XXI стагоддзе, а гарадзенскія жанчыны гуляюць у перацягванне канатаў з мяшком зямлі. Як я зразумеў, без дадатковай аплаты. Гэта ж жанчыны, ім напэўна цяжка», - мяркуе Зміцер.
Самі жанчыны не бачаць у такой працы нічога дзіўнага:
«Грошы зарабляць трэба, вось і працуем, часам і мужыкі дапамогуць. У нас калектыў дружны. Быў падобны выпадак некалькі гадоў таму, калі мы займаліся гарой ля Бернардынскага касцёла. Тады ў Горадню прыехалі французы і ледзь не плакалі, як ўбачылі нашу працу».