У Польшчы будуць судзіць юрыста, які падазраецца ў шпіянажы на карысць РФ
- 4.05.2016, 17:34
- 30,858
Мужчына, які мае польскае і расейскае грамадзянства, падазраецца ў супрацоўніцтве з ГРУ.
Станіслаў Ш., затрыманы паводле падазрэння ў супрацоўніцтве з ГРУ, паўстане перад польскім судом. Яму пагражае 10 гадоў турмы, паведамляе «Польскае Радыё».
Абвінаваўчы акт супраць Станіслава Ш., юрыста, які падазраецца ў шпіянажы на карысць Расеі, быў перададзены з пракуратуры ў суд. Мужчына, які мае польскае і расейскае грамадзянства, падазраецца ў супрацоўніцтве з ГРУ.
«Станіслаў Ш. абвінавачваецца паводле арт.130, ч.1 Крымінальнага Кодэкса. Яму пагражае 10 гадоў турмы», - распавёў кіраўнік Мазавецкага аддзялення нацыянальнай пракуратуры Уладзімеж Буркацкі.
Падазраваны працаваў юрыстам у адной з варшаўскіх канцылярый. Быў затрыманы ў 2014 годзе паводле падазрэння ў шпіянажы на карысць расейскай выведкі ў адзін час са Збігневам Ё., падпалкоўнікам, які працаваў у Аддзяленні выхавання і прасоўвання Мінабароны Польшчы.
Станіслаў Ш. з'яўляецца сынам былога брамніка нацыянальнай каманды СССР у футболе, які ў 1991 годзе пераехаў у Польшчу.