Авіяўдар па лагеры ўцекачоў у Сірыі могуць прызнаць вайсковым злачынствам

Намеснік генеральнага сакратара ААН запатрабаваў неадкладнага незалежнага расследавання інцыдэнту.

У Арганізацыі аб'яднаных нацый самым рашучым чынам асудзілі бамбаванне лагера ўцекачоў на сірыйска-турэцкай мяжы, у выніку якой 5 траўня загінула не менш як 28 чалавек. Як адзначаецца ў заяве намесніка генеральнага сакратара ААН па гуманітарных пытаннях Стывена О'Браэна, калі высветліцца, што гэтая найгрубейшая атака была свядома нацэленая на грамадзянскую інфраструктуру, гэта можа быць прызнана вайсковым злачынствам, паведамляе Deutche Welle.

О'Браэн запатрабаваў неадкладнага незалежнага расследавання інцыдэнту.

Вярхоўная прадстаўніца ЕЗ у замежнай палітыцы і палітыцы бяспекі Федэрыка Магерыні заявіла пра грубае парушэнне міжнароднага гуманітарнага права. Яна заклікала ўсіх удзельнікаў канфлікту абараняць мірнае насельніцтва, а таксама грамадзянскія аб'екты: школы і бальніцы.

Як паведаміў Сірыйская назіральная рада правоў чалавека, у выніку авіяўдару па лагеры ўцекачоў, размешчанага непадалёк ад горада Сармада (правінцыя Ідліб), былі забітыя 28 чалавек, у тым ліку жанчыны і дзеці.

Яшчэ блізу 50 чалавек атрымалі раненні. Пакуль не ясна, хто нясе адказнасць за гэта злачынства.