Удакладнены парадак выдачы пасведчання кіроўцы

Такая інфармацыя размешчана на сайце Нацыянальным прававым інтэрнэт-партале.

Пастановай Савета Міністраў ад 30 траўня 2016 года №417 унесеныя змяненні і дапаўненні ў Палажэнне аб парадку выдачы пасведчання кіроўцы на права кіравання мапедам, матацыклам, аўтамабілем, саставам транспартных сродкаў, трамваем, тралейбусам, талона да пасведчання кіроўцы і іх абмену, зацверджанае пастановай урада ад 4 красавіка 2011 года №441, паведамляе БелТА.

Між іншым, дакументам устаноўлены тэрміны захоўвання пасведчанняў кіроўцы, а таксама дакументаў, якія паслужылі падставай для іх выдачы або абмену.

Напрыклад, цягам двух гадоў захоўваюцца пасведчанні кіроўцы, не запатрабаваныя пасля заканчэння тэрміну пазбаўлення права кіравання транспартнымі сродкамі за кіраванне імі асобай, якая знаходзіцца ў стане алкагольнага ап'янення або ў стане, выкліканым ужываннем наркатычных сродкаў, псіхатропных рэчываў, іх аналагаў, таксічных або іншых адурманьваючых рэчываў, ці перадачу кіравання механічным транспартным сродкам, самаходнай машынай такой асобе, а таксама адмова ад праходжання ва ўстаноўленым парадку праверкi (агляду) на прадмет вызначэння стану алкагольнага або наркатычнага ап'янення; іншыя парушэнні - у тэрытарыяльным падраздзяленні ДАІ па месцы жыхарства асобы, пазбаўленай права кіравання транспартнымі сродкамі.

Дакументы, якія паслужылі падставай для выдачы пасведчанняў кіроўцы, іх абмену, захоўваюцца ў экзаменацыйных падраздзяленнях цягам трох гадоў, а пасведчанні кіроўцы, канфіскаваныя ў асоб, прызнаных непрыдатнымі да кіравання транспартнымі сродкамі па медыцынскіх паказаннях, - да заканчэння тэрміну дзеяння такіх пасведчанняў.

Акрамя таго, устаноўлена, што пры выдачы пасведчання кіроўцы на падставе замежнага пасведчання кіроўцы асобам, якія атрымалі від на жыхарства ў Беларусі, гэтае пасведчанне вяртаецца, за выключэннем некаторых выпадкаў. Так, пры наяўнасці прыкмет падробкі (неадпаведнасці) замежнага пасведчання кіроўцы пастанова аб яго вяртанні, а таксама неабходнасці прызнання несапраўдным выдадзенага пасведчання кіроўцы прымаецца зыходзячы з вынікаў правядзення адпаведнай праверкі.

Пастановай таксама ў новай рэдакцыі выкладзена форма заявы, якая падаецца фiзiчнай асобай у экзаменацыйнае падраздзяленне для выдачы, абмену пасведчання кіроўцы, талона да яго, выдачы дубліката пасведчання, талона.

Дакумент уваходзіць у дзеянне з дня яго афіцыйнага апублікавання.