Працаўніца менскай ВНУ «развяла» завочнікаў на 100 мільёнаў хабараў
2- 28.06.2016, 16:04
- 20,895
Разам са сваёй знаёмай жанчына прапаноўвала студэнтам паслугі ў здачы запазычанасцяў у вучобе.
Жанчына працавала ў адной з ВНУ сталіцы. Разам са сваёй знаёмай яна прапаноўвала студэнтам-завочнікам паслугі ў здачы запазычанасцяў у вучобе. У выніку пацярпелі 18 чалавек. Бізнэс жанчыны вялі цягам чатырох гадоў. Цяпер абедзвюм выстаўленыя абвінавачанні, паведамляе афіцыйны сайт Следчага камітэта.
36-гадовая мянчанка абвінавачваецца ў некалькіх дзясятках эпізодаў падбухторвання да дачы хабару. Працуючы спецыялісткай у адной з ВНУ, яна разам са сваёй сяброўкай прапаноўвала дапамогу студэнтам. Гэтая дапамога палягала ў нібыта перадачы грошай выкладчыкам, якім завочнікі не здалі залікі, курсавыя праекты альбо экзамены.
Знаёмая абвінавачванай дапамагала ў пошуку такіх студэнтаў. За чатыры гады жанчыны завалодалі грашыма на суму больш за 100 мільёнаў рублёў.
- Работніца ВНУ ўзятая пад варту, - распавялі ў Следчым камітэце. - Яе сяброўка дала падпіску аб нявыездзе. Цяпер расследаванне ў крымінальнай справе скончанае і перададзенае пракурору для накіравання ў суд.
Жанчынам выстаўленае канчатковае абвінавачанне паводле часткі 5 артыкула 16, часткі 2 артыкула 431 (падбухторванне да дачы хабару) і частцы 3 артыкула 209 (махлярства ў значнай суме) Крымінальнага кодэкса Рэспублікі Беларусь.