Фёдар Конюхаў устанавіў новы рэкорд падарожжа вакол свету на паветраным балоне

Расейскі падарожнік падолеў сусветны рэкорд падарожжа вакол свету на паветраным балоне, здзейсніўшы яго крыху больш чым за 11 дзён.

64-гадовы Конюхаў пачаў сваё падарожжа 12 ліпеня, узняўшыся ў неба з заходняга ўзбярэжжа Аўстраліі. Ён мерыўся падолець рэкорд амэрыканца Стыва Фосэта, які абляцеў свет на паветраным балоне за 13 дзён.

У суботу, 23 ліпеня, Конюхаў пераадолеў астатні пункт, патрэбны для ўстанаўлення новага рэкорду. Прызямленне Конюхава чакаецца да поўначы на заходнім узбярэжжы Аўстраліі, паведамляе РІА «Новости».