Польшча запусціць цягнік Кракаў – Гародня праз Беласток і Кузніцу

Чакаецца, што кампанія PKP Intercity арганізуе рух цягніка па маршруце Кракаў – Варшава – Беласток – Гародня.

Міністэрства інфраструктуры і будаўніцтва Польшчы мяркуе мэтазгодным наладзіць чыгуначныя зносіны паміж польскімі гарадамі і беларускай Гародняй, паведамляе ЦТС са спасылкай на Rynek kolejowy.

Рэалізацыя праекту будзе залежаць ад дамоўленасцяў з беларускім бокам. У цяперашні час вядуцца перамовы з чыгункай Беларусі датычна вызначэння кошту квітка ў Гародню і з яе. Ён павінен быць канкурэнтным у параўнанні з коштам аўтобусных паездак па гэтым маршруце.

Акрамя таго, першапачаткова міністр інфраструктуры Польшчы звярнуўся да маршалка Падляскага ваяводства, якое мяжуе з Беларуссю, з просьбай субсідаваць чыгуначныя зносіны з Гародняй з бюджэту ваяводства. Але пастанова пра памежныя зносіны прынятая не была.

У выніку, з улікам асаблівай сацыяльнай каштоўнасці чыгуначных зносінаў у Гародні, асабліва для палякаў, якія жывуць у памежных раёнах Беларусі, міністр інфраструктуры і будаўніцтва вымушаны прыняць меры, каб уключыць фінансаванне чыгуначных зносінаў у Гародні з дзяржбюджэту Польшчы.

Раней планавалася запусціць чыгуначныя зносіны з беларускім памежным горадам яшчэ ў чэрвені, але цяпер старт перавозак анансуюць на 4 верасня гэтага года. Маршрут будзе абслугоўвацца цягніком Hańcza PKP, які ўжо ходзіць. У выпадку рэалізацыі праекту ў 2016 годзе беларускі бок мае намер падоўжыць яго і на 2017 год.