У Слоніме патрабуюць уключыць Ларысу Геніюш у школьную праграму
1- 24.07.2016, 19:56
- 5,412
Актывісты Слоніма пачалі кампанію рэабілітацыі беларускай паэткі.
У нядзелю, 24 ліпеня, сябры Слонімскага аб'яднання дэмакратычных сілаў пачалі збор подпісаў для рэабілітацыі беларускай паэткі і грамадскай дзяячкі Ларысы Геніюш (1910-1983).
Акцыя пачалася зборам подпісаў, якія будуць перададзеныя ў Генеральную пракуратуру і Вярхоўны суд Рэспублікі Беларусь, паведамляе «Радыё Рацыя».
За рэабілітацыю Геніюш у Слоніме ў першы дзень падпісаліся больш за 20 чалавек. Слонімцы таксама будуць дамагацца ўключэння твораў Геніюш у школьную праграму.
А вуліцу Савецкую ў Зэльве перайменаваць у вуліцу Ларысы Геніюш, тым больш, што некалькі гадоў таму паводле сабраных подпісаў у жыхароў Савецкай вуліцы ў Зэльве большасць выказалася за перайменаванне вуліцы ў гонар вялікай зямлячкі.
Збор подпісаў у Слоніме за рэабілітацыю Ларысы Геніюш доўжыцца.