Аляксандр Ермаковіч: У чэмпіянаце краіны мы б абышліся без Глеба
4- 25.07.2016, 20:10
- 18,410
Галоўны трэнер БАТЭ паведаміў, што не плануе выкарыстоўваць Аляксандра Глеба ў двубоях унутранага першынства.
Пра гэта Аляксандр Ермаковіч паведаміў на прэс-канферэнцыі, прысвечанай матчу 3-га кваліфікацыйнага раўнду Лігі чэмпіёнаў супраць "Дандолка", піша "Прессбол".
- Глеб? Гэта наш джокер. Разумею, што Саша - неардынарны футбаліст. Нашая задача - яго ўдала дапасаваць у камандную гульню. Упэўнены, што Глеб нам дапаможа ўжо заўтра. З ягоным прыходам у трэнерскага штаба дадалося прыемнага галаўнога болю. Зразумела, што Глеб, Карніцкі, Іваніч і Гвілія выходзіць на поле разам не будуць. Гуляць будзе наймацнейшы.
У чэмпіянаце краіны мы б абышліся без Глеба. Верым, што найбліжэйшым часам будзем выступаць на два-тры франты. Калі яго дапамога спатрэбіцца камандзе ў гульнях чэмпіянату, то Глеб будзе гуляць. Упэўнены, Саша не будзе ім грэбаваць, - заявіў Аляксандр Ермаковіч.
Нагадаем, матч БАТЭ - "Дандолк" адбудзецца 26 чэрвеня на "Барысаў-Арэне". Пачатак - а 21.00.