Гуцарыеў заклаў траціну «Русснефти»

Больш 33,1% акцый НК перададзеныя ў заклад для забеспячэння выпуску аблігацый на $1 млрд.

Структура Міхаіла Гуцарыева - Belirian Holdings Limited, праз якую ён кантралюе "Русснефть", уклала з ТАА "Рэгіён-Інвест" і ТАА "Дзіджытал-Інвест" дамовы аб перадачы ў заклад 33,1% акцый НК для забеспячэння выпуску аблігацый на $1 млрд, піша "Інтэрфакс".

Як гаворыцца ў паведамленні "Рэгіён-Інвест", яму было перададзена 10,8 тысяч звычайных і 7,6 тысяч прывілеяваных акцый. У паведамленні "Дыджитал-Інвест" гаворыцца аб атрыманні ў заклад 24,1 тысяч звычайных і 17 тысяч прывілеяваных акцый. На сёння, пасля дадатковай эмісіі статутны каптан "Русснефть" складаецца з 180,392 тысяч акцый. Такім чынам, у заклад было перададзена 33,1% акцый.

Раней прэзідэнт Бінбанка і суўладальнік "Русснефть" Мікаіл Шышханаў паведамляў у інтэрв'ю РБК, што SPV-кампаніі, якія належаць Belirian Holdings Limited, выпусцілі аблігацыі, накіраваўшы атрыманыя сродкі для выплаты запазычанасці перад ВТБ і іншымі крэдыторамі.

Цяпер 54% статутнага капіталу "Русснефть" належыць структурам Міхаіла Гуцарыева і ягонай сям'і, яшчэ 46% - швайцарскаму трэйдару Glencore. Нафтавая кампанія збіраецца ў чацвёртым квартале размясціць 10% акцый на Маскоўскай біржы. Кампанія плануе прыцягнуць амаль $400-500 млн, якія будуць накіраваныя на выплату запазычанасці.

ТАА "Рэгіён-інвест" заснаваная ў 2010 годзе. Асноўнымі тыпамі дзейнасці кампаніі з'яўляецца ўкладанне ў каштоўныя паперы і фінансаванне праектаў у нафтагазавай галіне. ТАА "Дзіджытал-інвест" займаецца ўдзелам у фінансаванні праектаў нафтагазавага сектара, камерцыйнай нерухомасці і інвестыцыямі ў каштоўныя паперы.

На афіцыйных сайтах кампаній паведамляецца, што 2015 года яны "распрацоўваюць стратэгію фінансавання праектаў кампаній групы "Русснефть" і іншых нафтагазавых кампаній.

Паводле звестак базы "СПАРК-Інтэрфакс", 99,9% статутнага капіталу кампаній належыць "Ронбастэлекс інвестментс Лімітэд" (Кіпр).