У Швэцыі затрыманы падазраваны ў тэрарызме расеец
3- 29.07.2016, 16:18
- 4,825
Паліцыя затрымала грамадзяніна Расеі, абвешчанага ў міжнародны вышук паводле падазрэння ў тэрарызме і забойстве.
35-гадовы расеец быў затрыманы пры праходжанні памежнага кантролю ў аэрапорце Арланда ў прыгарадзе Стакгольма, паведаміў пракурор Роні Якабсон. Затрыманы, імя якога пакуль не называецца, затрыманы, паведамляе meduza.io.
Са словаў Якабсона, у затрыманага, акрамя расейскага, ёсць і іншае грамадзянства. У якіх менавіта злачынствах падазраецца расеец, пракурор удакладняць не стаў, паведаміўшы толькі, што звестак пра тое, што ён рыхтаваў тэракты не тэрыторыі еўрапейскіх краін, у паліцыі няма.