Asics папярэдзіла аб магчымасці спынення пастаўкі экіпіроўкі расейскім спартоўцам

Японская кампанія Asics прыстрашыла спыніць пастаўкі расейскім спартоўцам у выпадку выяўлення новых выпадкаў ужывання допінгу.

Японскі вытворца спартовай экіпіроўкі Asics прыстрашыў перагледзець кантракт на пастаўку формы нацыянальнай камандзе Расеі ў барацьбе пасля допінгавага скандалу з удзелам расейскіх спартоўцаў. Пра гэта паведамляе The Times са спасылкай на заяву кампаніі, паведамляе РБК.

«Пакуль United World Wrestrling («Аб'яднаны свет барацьбы») - сусветная арганізацыя, якая развівае алімпійскія тыпы барацьбы, прадаўжае дапускаць «чыстых» спартоўцаў на Алімпійскія гульні 2016 года, Asics як афіцыйны пастаўшчык экіпіроўкі для Федэрацыі спартовай барацьбы Расеі прадоўжыць падтрымліваць сваіх атлетаў і пастаўляць ім адзенне і абутак. Аднак у выпадку ўсякіх далейшых сцвярджэнняў пра допінг напярэдадні або падчас Гульняў мы перагледзім пытанне», - заявіла Asics.

Праз допінгавы скандал на Алімпіяду ў Рыа-дэ-Жанэйра, якая стартуе праз тыдзень, 5 жніўня, прапусцяць больш за сотню расейскіх спартоўцаў, большасць з якіх лёгкаатлеты. Нацыянальная каманда Расеі ў лёгкай атлетыцы была не дапушчаная да Гульняў практычна ў поўным складзе: нашу краіну прэзентуе толькі адна спартоўка - скакуха ў даўжыню Дар'я Клішына.

Што тычыцца барацьбы, да Алімпіяды не дапусцілі аднаго з фаварытаў алімпійскага турніру ў вольнай барацьбе ў вазе да 57 кг - Віктара Лебедзева. Летась ён здабыў золата на чэмпіянаце Еўропы, аднак быў дыскваліфікаваны праз станоўчы допінг-тэст, узяты на першынстве свету сярод юніёраў у 2006 годзе.

У агульнай складанасці да Алімпіяды было дапушчана блізу 250 з 387 расейскіх спартоўцаў. Урачыстая цырымонія провадаў нацыянальнай каманды Расеі адбылася 28 ліпеня.