У Італіі прызналі законным шлюб, узяты праз Skype
5- 29.07.2016, 19:17
- 29,193
Шлюб італійкі і пакістанца, якія наважылі злучыць сябе з дапамогай Skype, прызналі законным.
Такі вырак прыняў Найвышэйшы суд Італіі, пішуць «Беларускія навіны».
Падставай для разгляду справы паслужыў запыт з Міністэрства ўнутраных спраў. Паліцыянты патрабавалі прызнаць шлюб нелегітымным.
Падчас працэсу суддзя прызнаў, што муж і жонка свядома захацелі ўзяць у шлюб, і хоць фізічна не былі ў адным месцы, размова была ажыццёўленая, хоць і ў лічбавым фармаце.
Таксама служкі Феміды падкрэслілі, што фізічная прысутнасць не з'яўляецца абавязковай для працэсу шлюбу.