Аўстрыйская кампанія адмовілася будаваць біягазавыя ўстаноўкі ў Менску

Прычыны адмовы кампаніі Strabag Umwelttechnik пакуль не агучаны.

У пачатку 2016 года быў прыняты ўказ Лукашэнкі, згодна з якім заходнееўрапейскі канцэрн Strabag Umwelttechnik павінен быў пабудаваць біягазавыя ўстаноўкі перапрацоўкі вадкіх адкідаў на ачышчальных збудаваннях Менска. Аднак праз паўгода нарматыўны акт скасавалі.

Чаму сарваўся інвестпраект на 28 мільёнаў еўраў, tut.by расказаў старшыня Менгарвыканкама Андрэй Шорац.

Як распавёў Андрэй Шорац, гэта адбылося з ініцыятыве Strabag Umwelttechnik.

- На жаль, аўстрыйская старана выбачылася і інфармавала нас, што ў сувязі з новымі прыярытэтамі ў развіцці канцэрна Strabag, яны адмаўляюцца ад рэалізацыі гэтага праекта. Я сустракаўся ў Вене з двума віцэ-прэзідэнтамі, паспрабаваў вярнуцца да гэтага пытання, але яны катэгарычна адмовіліся.

Аднак, самое пытанне ўстаноўкі біягазавых установак не страчвае актуальнасці. На гэты момант горад рыхтуе дакументы на міжнародны конкурс для выбару кампаніі, якая будзе займацца рэканструкцыяй ачышчальных збудаванняў.

- Цяпер дакументы знаходзяцца на ўзгадненні ў ДКНТ (Дзяржаўны камітэт навукі і тэхналогіі) і, думаю, найбліжэйшым часам мы абвесцім гэты конкурс.

Нагадаем, 26 2016 года быў прыняты ўказ Лукашэнкі №27, згодна з якім у 2016-2018 гадах меркавалася правесці рэалізацыю інвестыцыйнага праекта для ўкаранення біягазавых установак на ачышчальных збудаваннях Менска. Замоўцам выступіў «Менскводаканал», выканаўцам - Strabag Umwelttechnik. Кошт пытання - 27,8 мільёнаў еўра (крэдыт Банка развіцця і сродкі бюджэту ці крэдыты іншых беларускіх банкаў).

Сэнс рэканструкцыі ў тым, каб выпрацоўваць біягаз і з яго дапамогай спальваць асадак (іл), які запасіцца на ачышчальных збудаваннях горада, праз якія бытавыя і прамысловыя сцёкавыя воды трапляюць у вадаёмы.

На гэты момант у Менску асадак (іл) проста вывозяць за горад, што патрабуе як дадатковых плошчаў, так і грошай. Укараненне біягазавых установак дапаможа эканоміць амаль 1,4 мільярда рублёў за год у коштах студзеня 2011 года. Дзякуючы гэтаму таксама істотна палепшыцца экалагічнае сітуацыя ля станцыі аэрацыі.