Расейскія самалёты ля межаў Украіны прыведзеныя ў гатоўнасць

У Расеі доўжыцца раптоўная праверка Узброеных сіл.

Як паведамілі УНІАН у расейскім вайсковым міністэрстве, «баявыя разлікі зенітных ракетных і радыётэхнічных войскаў Паўднёвай вайсковай акругі, у рамках раптоўнай праверкі боегатоўнасці войскаў (сіл) здзейснілі маршы ў новыя пазіцыйныя раёны, а таксама экіпажы знішчальнікаў, перабазавалі на аператыўныя аэрадромы, заступілі на баявое дзяжурства для супрацьпаветранай абароны на тэрыторыі Паўднёвай федэральнай акругі».

Радыёлакацыйныя станцыі, задзейнічаныя ў правядзенні раптоўнай праверкі боегатоўнасці войскаў, у тым ліку «Неба», «Каста», «Дзясна», «Гама», «Абарона» розных мадыфікацый, дазваляюць кантраляваць усю паветраную прастору ад нулявых вышынь да некалькіх дзесяткаў кіламетраў і на выдаленні ў некалькі сотняў кіламетраў. Разлікі зенітных ракетных комплексаў С-400 «Трыюмф», С-300 «Фаварыт» і зенітных ракетна-гарматных комплексаў «Панцыр-С» правялі трэнінгавыя тактычныя пускі ракет па умоўных мэтах, адпрацаваўшы ўзаемадзеянне з каманднымі пунктамі злучэнняў супрацьпаветранай абароны ПВА, гаворыцца ў паведамленні .

«Экіпажы самалётаў Су-27 знаходзяцца на аэрадромах дзяжурства ў гатоўнасці дзвюх хвілін вылету на каманду дзяжурных сіл для выяўлення паветраных цэляў, яе класіфікацыі і выкарыстання ўсіх наяўных сродкаў, у тым ліку авіяцыйнага ўзбраення, для недапушчэння перасячэння умоўнай мяжы паветранай прасторы», - гаворыцца ў паведамленні.

Акрамя таго, экіпажы франтавых штурмавікоў-бамбавікоў Су-25 і ўдарных верталётаў Мі-28Н, Мі-35М і Мі-24 Паўднёвай вайсковай акругі адпрацавалі прыкрыццё руху калон браняванай і аўтамабільнай тэхнікі падчас перагрупоўкі войскаў, якія былі задзейнічаныя ў раптоўнай праверцы боегатоўнасці. Лётны склад армейскай авіяцыі выканаў задачы паветранай выведкі, нанясенне тактычнага авіяцыйнага ўдару па наземных цэлях і прыкрыццё наземнай групоўкі войскаў з паветра, у тым ліку на маршрутах вылучэння калон вайсковай тэхнікі пры здзяйсненні маршаў у зададзеныя раёны засяроджвання.

Экіпажы баявых верталётаў пасля заканчэння тактычнага баявога выкарыстання авіяцыйных сродкаў паразы выканалі адстрэл цеплавых пастак і адпрацоўку элементаў манеўравання ў паветры для прадухілення зваротнага ракетнага ўдару з зямлі.