Настаўнікам абяцаюць перакінуць грошай, але толькі дасведчаным і за дадатковыя паслугі

На павышэнне заплаты настаўнікам ва ўлады няма грошай, але перад «выбарамі» нешта паабяцаць трэба.

У выніку ўрад прапанаваў даплачваць выкладчыкам з высокай кваліфікацыяй за дадатковыя паслугі. Пра навацыю расказала віцэ-прэм'ерка Наталля Качанава, паведамляе БелТА.

Заняць настаўнікаў і даць ім годны заробак. Такое даручэнне даў ураду Лукашэнка на пачатку жніўня. Паводле ягоных слоў, цяперашняя заплата педагогаў не заўсёды дазваляе ім пракарміць сям'ю.

«Думаю, гэта будзе пэўным стымулам для педагогаў у дадатковай адукацыі», - пракаментавала «навацыю» Качанава.

А вось на пытанне, адкуль узяць грошы на павышэнне заробкаў настаўнікаў, ва ўрадзе адказу пакуль не знайшлі, але абяцаюць знайсці найбліжэйшым часам, піша «Беларускі партызан».