«Палатачніца» з Баранавіч «прыватызавала» бульвар
13- 30.08.2016, 12:20
- 12,550
«Дэпутатка» заявіла ўладам горада, што не хоча, каб побач з яе пікетамі стаялі кандыдаты ад апазіцыі.
Дзеючая дэпутатка «палаткі» з Баранавічаў Вольга Палітыка, якая ўдзельнічае ў «выбарах», «прыватызавала» ў горадзе бульвар Штакераў.
Яна заявіла ўладам, што не хоча, каб побач з яе пікетамі стаялі кандыдаты ад апазіцыі. І ўлады пайшлі ёй насустрач.
Кандыдат ад Аб'яднанай грамадзянскай партыі Мікалай Чарнавус-малодшы паведаміў сайту ПЦ «Вясна»:
- Мною была пададзена заяўка на правядзенне пікету на бульвары Штакерау. Прыйшоў адказ, што адзін з кандыдатаў заявіў пра нежаданне праводзіць пікеты сумесна з іншымі кандыдатамі. Пазней нам стала вядома, што гэта Вольга Палітыка.
Мікалай Чарнавус просіць разабрацца ў сітуацыі і даць прававую і этычную ацэнку паводзінам кандыдаткі Вольгі Палітыка. Каб у далейшым мець магчымасць праводзіць пікеты на адным з папулярных месцаў горада.