СМІ патрабуюць паказаць узбекскага дыктатара Карымава

Маўчанне афіцыйных уладаў толькі пагаршае сітуацыю.

Галоўны рэдактар інфармацыйнага агенцтва «Фергана» Данііл Кіслоў пракаментаваў nsn.fm паведамленне пра смерць узбекскага дыктатара Іслама Карымава, размешчанае на сайце агенцтва, піша lenta.ru.

З яго слоў, «Фергана» адказвае за дакладнасць апублікаваных звестак, а ўладам краіны варта было б у гэтай сітуацыі не маўчаць. «Я прапаную афіцыйныя крыніцы Узбекістана, ураду, прэс-службе апарата прэзідэнта проста апублікаваць медыцынскую зводку пра ягоную хваробу або паказаць яго жывым у бальнічнай палаце», - заявіў ён.

Нагадаем, вечарам 29 жніўня агенцтва «Фергана» са спасылкай на ўласныя крыніцы паведаміла пра смерць 78-гадовага Карымава. У той жа час крыніца ў апараце дыктатара паведамленні аб яго смерці зняпраўдзіла.

Раней у той дзень дачка Іслама Карымава Лола адзначыла, што яе бацька перанёс кровазліццё ў мозг. Як распавялі ў апазіцыйным Народным руху Узбекістана (НДУ), 78-гадоваму Карымаву стала кепска на бяседзе, прысвечанай ушанаванню нацыянальнай алімпійскай камандзе.

Паводле звестак крыніц, Карымаў, радуючыся перамогам спартоўцаў, празмерна ўжываў гарэлку і іншыя спіртныя напоі. Вядома, што яшчэ апоўначы ён гутарыў з кіраўніком сваёй адміністрацыі Зелімханам Хайдаравым, затым ён раптам страціў прытомнасць і ўпаў.

Карымаў стаў прэзідэнтам Узбекістана ў 1991 годзе і з тых часоў нязменна кіраваў краінай.