Velcom павышае кошт паслуг
15- 14.09.2016, 11:47
- 19,557
Аператар сотавай сувязі абвясціў пра падвышэнне коштаў з 25 верасня.
Аб гэтым паведамляецца на сайце мабільнага аператара.
З 25 верасня 2016 года адбудзецца павелічэнне абаненцкай платы, кошту выходнага галасавога трафіку некаторых тарыфных планаў, пакетаў мабільнага інтэрнэту, SMS, MMS, міжнародных званкоў, роўмінгу, адначасовых узносаў, а таксама спецыяльных і дадатковых паслуг.
Кошт выходных хвілін на большасці тарыфных планах для фізічных і юрыдычных асоб застанецца нязменным, а на тарыфных планах «Прывет, гарадок», «Прывет, землякі», «Наш гарадок», «Вам грошы», «Сувязь без абавязанняў» у шэрагу тарыфных зон адбудзецца істотнае зніжэнне кошту званкоў у іншыя сеткі.
Таксама будзе зменена працягласць перыяду платнага спынення абавязанняў у абслугоўванні абаненцкага нумара.
Без змен захаваюцца сумы штомесячных плацяжоў за абсталяванне, абаненцкая плата тарыфных планаў фіксаванага інтэрнэту, кошт мегабайта тарыфнага плану, у тым ліку звыш трафіку, уключанага ў тарыфны план або пакет мабільнага інтэрнэту.