Прэзідэнт Манголіі выхоўвае 28 дзяцей

Прэзідэнт Манголіі Цахіягійн Элбэгдорж стаўся самым шматдзетным бацькам сярод усіх кіраўнікоў дзяржаваў.

Ён выхоўвае 28 дзяцей – пяцёра родных (чатыры сыны і адну дачку), а таксама 23 усыноўленых.

Старэйшаму сыну цяпер 26 гадоў. Сам кіраўнік Манголіі прызнаецца, што з выхаваннем дзяцей у сям'і заўсёды было шмат клопатаў.

Цахіягійн Элбэгдорж скончыў Львоўскую ваенна-палітычную вучэльню (спецыяльнасць – ваенная журналістыка), у 2002 г. – Гарвардскую школу дзяржаўнага кіравання імя Дж. Кэнэдзі (магістр дзяржаўнага кіравання), паведамляе nv-online.info.