Міністр спорту РФ: Допінг – гэта я

Віталь Мутко назваў сябе «дзіваком», які звыкся ўсё браць на сябе.

Міністр спорту Расеі Віталь Мутко на справаздачна-выбарчай канферэнцыі Расейскай федэрацыі спорту выказаўся наконт сваіх індывідуальных асаблівасцяў.

«Я дзівак, таму што бяру ўсё на сябе. Допінг – гэта я, параза ў Ванкуверы – я. Не бяру толькі перамогі на сябе», – падзяліўся думкамі чыноўнік, словы якога цытуе sports.ru.

Паводле вынікаў канферэнцыі Мутко быў пераабраны прэзідэнтам РФС. Спаборнікам міністра спорту на выбарах з'яўляецца Валерый Газаеў.