Сірыйская апазіцыя адмовілася ад перамоваў з удзелам РФ
3- 25.09.2016, 19:29
- 37,572
Расея з'яўляецца саўдзельніцай усіх ваенных злачынстваў дыктатара Башара Асада.
Сірыйскія апазіцыйныя групоўкі заявілі, што не бачаць сэнсу ў прадаўжэнні перамоўнага працэсу з удзелам Расеі, пакуль прадаўжаюцца бамбаванні, напрыклад, у кантраляваных паўстанцамі раёнах Алепа.
Заяву ад імя трох дзясяткаў груповак апублікавала Нацкааліцыя апазіцыйных і рэвалюцыйных сіл Сірыі (НКАРС).
У заяве паўстанцаў сказана, што Расея не мае права быць гарантам у мірным працэсе, бо з'яўляецца саўдзельніцай ваенных злачынстваў рэжыму Асада, цытуе заяву сірыйскай апазіцыі DW.
Расейскі бок выступіўла «партнёрам» рэжыму сірыйскага прэзідэнта Башара Асада ў «справе знішчэння горада Алепа», сказана ў заяве. На думку апазіцыянераў, кожны мірны працэс будзе безнадзейным, пакуль баі не спыняцца цалкам, а пастаўкі гуманітарнай дапамогі пад эгідай ААН не нармалізуюцца.
Таксама апазіцыянеры сцвярджаюць, што падтрымоўваныя Масквой войскі сірыйскага войска ўжывалі напалм і хімічную зброю.
Паводле звестак Сірыйскай назіральнай рады ў правах чалавека, якая базуецца ў Лондане, з моманту сканчэння рэжыму спынення агню 19 верасня ў абстрэлах і бамбаванні ў Алепа і яго ваколіцах загінулі 213 мірных жыхароў.
«Перамоўны працэс у цяперашняй сітуацыі бескарысны і не мае сэнсу ў варунках бамбаванняў, забойстваў і разбурэнняў», - гаворыцца ў заяве.
Сірыйская апазіцыя неаднаразова абвінавачвала ВКС РФ і сірыйскае войска ў нанясенні ўдараў па мірным жыхарам. Масква і Дамаск неаднаразова заяўлялі, што ўсе ўдары наносяцца выключна па тэрарыстах і толькі пасля атрымання дакладных выведвальных звестак.
У панядзелак, 19 верасня, скончыўся і не быў падоўжаны сямідзённы тэрмін уведзенага ў Сірыі рэжыму спынення агню.