Назарбаеў перадумаў ехаць да Лукашэнкі
6- 29.09.2016, 10:59
- 5,683
Адмена візіту адбылася на фоне двухразовага зніжэння тавараабароту паміж Беларуссю і Казахстанам.
«У гэтым годзе ў планах было ажыццявіць візіт нашага прэзідэнта ў Беларусь, але ён адкладзены на наступны год. Мы рыхтуемся да гэтага візіту», - сказаў пасол Казахстана ў Менску Ергалі Булегенаў на брыфінгу, паведамляе РІА «Новости».
Чакаецца, што паводле вынікаў візіту будуць падпісаныя пэўныя праекты, над якімі цяпер вядзецца праца.
Пры гэтым тавараабарот паміж Казахстанам і Беларуссю ў першым паўгоддзі 2016 года склаў 145,8 млн даляраў, што ніжэй за паказчык аналагічнага перыяду 2015 года на 46,4 працэнта.
Казахстанскі экспарт у Беларусь склаў 9,9 млн даляраў, імпарт з Беларусі - 135,9 млн даляраў. Зніжэнне тавараабароту тлумачацца агульнай крызіснай сітуацыяй у сусветнай эканоміцы. Аднак з іншымі краінамі такога абвалу чамусьці няма.
Апошні афіцыйны візіт Нурсултана Назарбаева ў Беларусь адбыўся ў 2012 годзе.
Тады Лукашэнка заявіў аб неабходнасці «надаць новы імпульс гандлю з Казахстанам». Паводле вынікаў 2015 года, тавараабарот паміж дзвюма краінамі знізіўся.