Вада для менчукоў падаражэла ў 1,5 раза
34- 11.01.2017, 13:16
- 21,414
У 2017 годзе жыхары сталіцы будуць кампенсаваць 75% выдаткаў на ваду.
Прагназаваны ўзровень кампенсацыі насельніцтвам Менска выдаткаў на наданне паслуг водазабеспячэння і водаадвядзення ў 2017 годзе дасягне 75%, паведаміла 11 студзеня на прэс-канферэнцыі намесніца дырэктара ў эканоміцы і фінансах УП «Мінскводаканал» Інэса Ксяндзова, паведамляе БелТА.
«Што тычыцца адсотка кампенсацыі насельніцтвам паслуг водазабеспячэння і водаадвядзення, то за 2016 год гэты паказчык перавысіў 50%, - сказала Інэса Ксяндзова. - Можна чакаць, што ў 2017 годзе ён дасягне 75% у адпаведнасці з заданнем урада».
Згодна з пастановай савета міністраў, тарыфы для насельніцтва на паслугі водазабеспячэння і водаадвядзення, якія субсідуюцца дзяржавай, павялічыліся ў Менску з 1 студзеня прыкладна на 90%. Тарыфы, якія забяспечваюць поўную кампенсацыю эканамічна абгрунтаваных затрат на гэтыя паслугі, не змяніліся.