Сідорскі наважыў падаць у суд на Рассельгаснагляд

Былы прэм'ер-міністр Беларусі мае намер судзіцца праз абмежаванні РФ на пастаўкі прадукцыі беларускіх прадпрыемстваў.

Былы прэм'ер-міністр Беларусі, а цяпер член Калегіі (міністр) у прамысловасці і аграпрамысловым комплексе Еўразійскай эканамічнай камісіі (ЕЭК) Сяргей Сідорскі асудзіў дзеянні Рассельгаснагляду ў дачыненні да беларускіх прадуктаў харчавання, паведамляе tut.by са спасылкай на прэс-службу ЕЭК.

ЕЭК у рамках сваіх паўнамоцтваў прыняла асноўныя неабходныя дакументы ў пытаннях ветэрынарна-санітарнага кантролю прадукцыі жывёльнага паходжання згодна з Дамовай аб Еўразійскім эканамічным саюзе (ЕАЭС).

Сістэмы ветэрынарна-санітарнага кантролю Арменіі, Беларусі, Казахстана і Расеі прызнаныя эквівалентнымі адзін аднаму, мяркуюць у ЕЭК. Усе дзеянні ўпаўнаважаных органаў бакоў у галіне ветэрынарнага кантролю (нагляду) рэгламентаваныя пастановай Камісіі Мытнага Саюза ад 18 чэрвеня 2010 г №317, зыходзячы з якой ветэрынарны кантроль і нагляд у частцы гатовай жывёлагадоўчай прадукцыі ажыццяўляецца толькі ў дачыненні эпізаатычнага дабрабыту.

Раней Федэральная служба ветэрынарнага і фітасанітарнага нагляду РФ (Рассельгаснагляд) абмежавала пастаўкі ў Расею прадукцыі жывёльнага паходжання прадпрыемстваў Беларусі. Структура мяркуе, што прадукцыя, вырабленая ў краіне, не адпавядае патрабаванням тэхнічных рэгламентаў ЕАЭС.

Са слоў сябра Калегіі, (міністра) у прамысловасці і аграпрамысловаму комплексу ЕЭК Сяргея Сідорскага, выяўленне парушэнняў, не звязаных з ветэрынарнымі рызыкамі, не павінна з'яўляцца падставай для ўвядзення ветэрынарных захадаў у абмежаванні паставак прадукцыі беларускіх прадпрыемстваў.

Пасля рабочай сустрэчы з удзелам супрацоўнікаў профільных дэпартаментаў ЕЭК ва ўрэгуляванні пытанняў паставак беларускай прадукцыі на рынак РФ, якія былі зафіксаваныя ў пратаколе ад 19-21 снежня 2016 года, прадстаўнікі Рассельгаснагляду, Мінсельгаса Расеі, Мінсельгасхарча Беларусі дамовіліся аб захадах у развязанні ў трохдзённы тэрмін цяперашняй сітуацыі, якія былі зафіксаваныя ў пратаколе.

У рамках дамоўленасцей беларускі бок падаў Рассельгаснагляду і Еўразійскай эканамічнай камісіі неабходныя матэрыялы расследаванняў пазначаных недахопаў, а таксама справаздачы аб ужытых захадах для іх ліквідацыі: акты расследавання, вынікі адбору пробаў, пратаколы лабараторных выпрабаванняў, фота і іншыя матэрыялы, а таксама справаздачы аб ужытых захадах для іх ліквідацыі.

«Мяркую, што дакументы напоўніцу адпавядаюць пастаўленым пытанням, аднак практычных крокаў з боку Рассельгаснагляду ў зняцці абмежаванняў не прымаецца, - заявіў Сяргей Сідорскі. - У сувязі з адсутнасцю ў ЕЭК механізмаў уплыву на нацыянальныя органы дзяржаўнай улады, Рэспубліка Беларусь мае права звярнуцца ў Суд Еўразійскага эканамічнага саюза для канчатковага развязання гэтага пытання».

Нагадаем, кіраўнік Рассельгаснагляду Сяргей Данкверт абвінаваціў Беларусь у тым, што краіна актыўна карыстаецца сітуацыяй, калі расейскі рынак закрылі для паставак з ЕЗ, Украіны, і паводзіць сябе пры гэтым нядобрасумленна. Агучаныя ім прэтэнзіі тычыліся не толькі рээкспарту санкцыйнай прадукцыі, але і якасці беларускага малака.

У адказ на гэта Лукашэнка рэзка раскрытыкаваў кіраўніка расейскай установы і папракнуў урад у тым, што ён захоўвае маўчанне ў адказ на несправядлівыя абвінавачванні. У палеміку паспяшаліся ўступіць беларускія чыноўнікі і прэса.