Студэнт «растапіў» сэрца вахцёркі інтэрната БНТУ
23- 12.01.2017, 16:15
- 30,264
У разгар працоўнага тыдня ў сетцы з'явілася нечаканае рамантычнае відэа.
У кадры хлопец, які спявае песню пра каханне сваёй дзяўчыне. Яна стаіць на балконе і з радасцю слухае. Песня кранула нават работнікаў інтэрната, якія прапусцілі хлопца, нягледзячы на забарону наведванняў, выкліканую сесіяй. Выявілася, маладзёны вучацца ў БНТУ і сустракаюцца ўжо тры гады, піша onliner.by.
— Усё планавалася ў больш сур'ёзным маштабе, — прызнаецца Веньямін. — Хацеў знайсці мікрафон, электрагітару, стойку і мікрафон. Але абставіны склаліся так, што давялося арганізаваць усё больш сціпла. Узяў гітару, сяброў, пару аператараў з камерамі і пайшоў да інтэрната.
Справа было ў Менску на Барысаўскім тракце. Каля аднаго з інтэрнатаў БНТУ. У гэтым універсітэце вучыцца і Веньямін, і Вераніка. Ён — будучы горны інжынер, электрамеханік, яна — мытная спецыялістка.
— Мы сталі рыхтавацца. З інтэрната выйшла загадчыца, вахцёр і яшчэ нейкія работнікі. Яны адрэагавалі на рух. Быць можа, падумалі, быццам мы злосныя бандыты. Спыталі, з якога перапуду сход. Мы патлумачылі, што будзем спяваць. Тады жанчыны моўчкі сталі ў баку і пачалі слухаць. Мабыць, ім спадабалася, калі мяне пусцілі ўнутр, нягледзячы на адсутнасць наведванняў у той дзень. А было гэта перад Новым годам. Здаецца, 30 снежня.
Студэнты сустракаюцца амаль тры гады.
— Відэа трапіла ў сеткі. Пайшла пагалоска. Некаторыя кажуць пра нейкі подзвіг. А я так не думаю. Проста хацелася зрабіць прыемнае каханаму чалавеку. У гэтай нашай штодзённасці і руціне ўсё губляецца. Асабліва ў Менску, дзе жыццё хутчэйшае і ў большасці сваёй людзі робяць акцэнт то на вучобе, то на працы. У выніку ж на пачуцці не застаецца часу. Гэта дрэнна.
Дзяўчыне сюрпрыз спадабаўся.
— Нечаканасці наогул карысныя. Ёсць нейкі тэрапеўтычны эфект. Стасункі трэба ажыўляць прыемнымі сюрпрызамі.