У Мексіцы рэзідэнцыю прэзідэнта перайменавалі ў «Дом карупцыі»
3- 12.01.2017, 16:20
- 20,308
Сэрвіс Google Maps становіцца новай формай пратэсту ў Мексіцы.
У Мексіцы невядомыя змянілі ў Google Maps назвы ўрадавых будынкаў прэзідэнта, сената і кангрэса. Аб гэтым піша nv.ua са спасылкай на выданне Fusion.
Так дом, у якім жыве прэзідэнт Los Pinos у Мехіка, цяпер называецца Афіцыйны дом карупцыі (ісп. Residencia Oficial de la corruption).
Акрамя рэзідэнцыі прэзідэнта быў перайменаваны таксама будынак кангрэса ў Гаротны Кангрэс (ісп. Deplorable Congreso).
А будынак сената ахрысцілі Пацучынымі палатамі (ісп. Camara De Ratas).
У службе падтрымкі Google заявілі, што ўжо выправілі памылку: «Многія карыстальнікі моцна дапамагаюць нам, дадаючы на мапы раней невядомыя месцы, новыя арганізацыі або адрасы. Мы просім прабачэння за непажаданы кантэнт».
Адзначым, у гэты час у Мексіцы праходзяць акцыі пратэсту супраць павышэння коштаў газу, якія атрымалі назву El gasolinazo. Іх актыўна падтрымліваюць у сетках.